HAPPY BIRTH DAY

Nia khatia nang ka neihna che kha ala rei miah lo.mahse hei kan ti nek nek a kum hnih chu alo ni ve ta reng mai. Ka hmuh tirh ber ni chea ka duh vak lo zia te ka ngaihtuah let leh hian ka nuih aza in ka inthiam lo khawp mai, ka thianten an rawn hruai che a kan en thin chea ka lung reng iti awi ngai lo, I hmel ah khan mawi tihna leh nalh tihna che pakhat mah ka neilo. Mahse an rawn hruai zing tawlh tawlh che ka ngaina ta hle mai che anih kha, ka ngaizawng ta hle mai che a, in awmna hmuna rawn kal tur em chuan hun ka nei tam ngai silo, ka thian ten an rawn hruai che kha ka belchianna che awm chhun chu ani mai. mahse maw amak ka ti atira duh miah silo khan ka ngaizawng ta chein neih che ka duh ta hiala, mahse chhungte thawhchhuah ringa han neih ngawt che kha ka ngam bik silo, ka dinhmun nen kan inen pawh hian ka la phu lo hle che ani tih chu ka hria, mahse ka hnathawhna leh kan chhungkua ka thlira kan mamawh tawh zia che chu ka hre bawk si, ka nu leh pate ka hrilh ngam silo tichuan I man tur chu a rukin ka theih ang tawk tawkin ka khawl ve bek bek, mahse kei hna mumal nei ta lo tan chuan khawl ngah chu harsa tak ani. Tichuan ka  insum zo tan ngang loa, ka nu leh pa hnen ah chuan ka duh zia che leh neih ngei che ka duh zia chu a ruh langin ka sawi tlang ta rawt maia, mahse maw ka nu leh pate chuan min la hnial ve tlat, ka pa chuan zaidam takin nang neih hi a phal lo ani reng reng loa, mahse kan chhunkaw dinhmun a thlirin nang nei tur chuan ala hma deuh thu min hrilha, kha mi tuma ka rilru nat zia kha aw, ka thiante bulah neih ngei che ka tum zia ka lo sawi tawh laklawh bawk si, chutih laia nei thei leh dawn lo che ni a kan in hria kha ka rilru hi ana vawng vawng mai anih kha. Ka rilru te te chuan mi te pawn an duh tak chu hna nei lem lo mahsela an nei tho alawm le, ngati nge ka neih theih bik loh, ka nu leh pate hian min hmangaih lo bik em ni ka ti rauh rauha,mahse tun hnua ka ngaihtuah leh hian khatih laia ka lo at tur zia kha ka nggaituaha, mawl ka inti a, chutih rual chuan ka nuih aza bawk si, neih hlan che kha ka nghakhlel ngawih ngawiha, chhungte bulah pawh vawi duailo hi I chanchin ka sawia, kan ina ilo awm huna I tangkai dan turte, kei chang nilo ka nu leh pate ngei pawhin an hahdam pui dan turte ka sawi chamchi a, mahse khang zawng zawngte kha ka nu leh pa tan khan alo ninawm awm ka ti thin. Mahse ka duh miau si che alawm, chuti tak maia an fapa in a duh chu tiin ka nu leh pa pawh chuan I chanchin chu min zawt chiang ve tan ta a, aw khami zana ka hlim zia te kha aw, nang chuan I hrethiam pha ve awm siloa, ka chhungril hi hlimna in a khat veng venga, ka rilru hi a nui ru ver ver asin. Tichuan ni reilote hnu ah chuan ka pa chuan nang neih che chu a rem ti ve taa, khami thu min hrilh tuma ka lawmzia kha ka sawi fiah thiam lo, tichuan nang nei tur che chuan kan in buatsaih ta mup mup maia, kei pawh chuan nu leh pate tan chuan a rit lutuk ang tiin ka theihtawpin ka phak ang tawk tawk ah hna ka lo thawk ve a, tichuan ka neihna tur ni che a thlen dawn hnaiha chuan ka nu leh pa bulah chuan I man chanve chu ka tum ve tur thu ka hrilh taa, ka pa awih lo lutuk hmel kha ka mitthla ah ala chama, mahse ka pek hnua mak atih leh si zia te ka ngaihtuah hian ka nuih azin ka lung a leng ru em em thin, ka neih dawn zan che ka mutthilh theih loh chungchang te kha ziak dawn ni ila chuan phek tam sawi tur a tling ang. Tichuan kan chhungkuaa I lo luhna ni tur alo thleng taa, ka phur em ema, zing atangin ka za chung anih kha, mi tih dan lo ang takin I man tir chu keimah ngeiin I chhungte hnenah ka hlana, I chhungte chuan I chungchang leh nagmah ka enkawl zel dan turte ngun taka min hrilh hnu ah chuan, lungawi tak chungin in awmna hmun chu ka chhuah sana, tichuan tlai lamah ka pa duh dan ang ngeiin ka thianpa nen chauh kan rawn hruai  ta che a, min zahna tih lantirna niawm taka keimah lam hawia I rawn thle hnap mai lai te kha ka mitthla ah hian ala cham asin. Tichuan kan in lamah ka hruai haw ta chea, aw ka lung hi ava han awi hliah hliah tak em. Tichuan kan in tlawm tak ka thlenpui hnu che chuan ka nu leh pate chuan nangmah hmu turin an rawn kal nghala, nang lah chuan ka nu leh pate chu zah tih hriat takin an lam pang hawiin chibai buk niawm takin ilo thle no nghalha, ka lung hi ivan ti awi hliah hliah tak em. Tichuan zana ah chuan nang leh kei chu ka pa chuan pathian hnen ah min hlana, kan in kawl chhung zawnga buaina leh chhungkaw tana hnawksak lo turin mi chah bawk ani kha tiro. Tichuan kan han inkawl rei ta deuh deuh a, ka thian ten an rawn hruai thin che laia ka hmuh thin che ai khan ka hmu tha tulh tulh che, ka ta inih tawh vang emaw ni belchian lah hi I dawl em em mai bawk si, I hmel ka hmuh hian ka lung a awi hliah hliaha, taksa bala I awm hi ka phal ngai loa, ka bual fo thin che anih hi tiro, mahse lo ning lul suh aw, theihtawp chhuaha nu leh pate ti buai lo zawnga ka tha leh zung ka lo hman avangte leh, mite nuihzat hial ka hlawh avanga nang nei thei che ka ni asin. Nang ka neih dawn avanga ka hnathawh zozai te kha tunlai kan zorama ka thalaipui tam tak hian an peih ve kher lo maithei, mi ten min lo haw lo se. chuvang chuan he I kum hnihna alo thlen hian I pual liua liua hian he thu hi ka ziak ve anih hi.{Ka BIKE ka duat em em leh ka uluk em em pualin ka ziak ve anih hi}