‘WHY ME LORD’

American Pa talent nei tha tak mai, Hla phuah thiam, Zai thiam, Music thiam leh Film chan thiam bawk Kris Kristofferson hian khawvel chu a deng chhuak hnen a ni. A bik takin a hla phuah thiam zia te a zai thiam na te hian mi te rilru a hnen em em thin. Mizoram thleng pawhin tuna kan sawi tur " Why Me Lord" tih te leh hla dang " Help me make it through the night" etc. tih te thleng pawn kan lo zawm pui ve rut rut thei anih hi. Ama mimal nun hrim hrim ah pawn hian entawn tlak leh tum ruhna te pawh zir tur a tam hle mai. Mahse chung chu tunah erawh chuan kan sawi tum ber ani lem lo.

Tuna kan sawi tum ber chu " Why me Lord" tih hla lungkuai tak mai, sual lak atanga Kristianna lama ringtu nun kawng inthleng chhoh dan leh in hmuh chhuah na hla tha tak mai hi thiam ang tawkin sawi ve ka han tum a nge. He hla hi sap hla, sap tawnga in ziak anih miau avangin, ka saptawng hriatthiam ve dan leh thiamna hian a phawk chhuak pha hauh lo ang tih chu ka ring. Mashe eng emaw kawng zawng tala hlawkpui kan lo awm ve tak mialin tiin ka han ziak ve dawn a ni.

Awle, he hla " WHY ME LORD" tih hi Kris Kristofferson - a phuah a ni a. Kum 1972 daih tawh khan record a ni. A hla thu hi a tha em em maia, Pathian puih ngai ni pawha in hre tawh lo, khawvel mawina leh nawmna duhtawka chen a, tlan pha ngei maiin Pathian hmangaihna leh thatna, Pathian puihna a ngaihzia leh a mamawh zia a puan chhuahna hla a ni. Tichuan he hla hi kum 1973 khan released a ni a, amah Kris Kristofferson music khawvel ah chuan mite ngaihhlut leh ropui bera sawi hial alo ni ta a ni.

He hla phuahtu hi kan sawi tak ang khan mi lar a ni a, khawvel ah hian nuamsa takin a hun a hmang thin a, larna, mipat hmeichhiatna, zu leh drugs lamah chuan duhtawka tlana, hlim hlawp bawl thin a ni. Mahse Pathian hmangaihna leh khawngaihna chuan Setana bawiha a tan reng chu alo phal bik re re lo maia, thlarau thianghlim chuan a sawm lung leng thin ani chek ang chu, amah ngeiin he hla a phuah dawn lai vel hian a nun a beidawn lai leh a ngui em em lai anih thu a sawi tlat.

Tichuan tum khat chu a thiante nen Biak In ah an inkhawm a, mipui awmdan leh sakhua urhsun zia te chu a hmu a, chutih lai chuan " Ngah nge kei hi" tih amah leh amah chu a rilru in a inzawt nghe nghe a, "Help Me (Lord)" tih hla an sak lai chuan Pastor chuan mipui zing ah chuan " Tunah hian nun ruak leh chau in awm em ?" tiin a zawt a, mipui chuan kut phar chhuakin lamtual ah chuan an tawngtai mur mur hlawma, Kristofferson pawh chu phar chhuakin Pastor chu a zu pan ve a, " Ngati nge ka phar chhuah ve ngawt kha ka in hre thiam lo a ni, mipui pawh khan min hmuh ka ring lo, a chhan chu kun chunga an tawngtai mur mur avangin"  a ti. Pastor chuan " Lal Isua Krista pawm tur hian i in peih tawh em ?"tiin alo zawt a, mahse Kristofferson chuan " Ka hrelo tiin a chhang a, a dik tak chuan enge ka tih chiah pawh kha ka in hre lo ani, khatih lai khan" tiin a sawi.

 Tichuan Pastor chuan a lu chunga kut nghat chuan a tawngtai sak a, ( Amah Kristoffrson hian hetih lai hian Pastor hian enge a sawi ka hrelo a ti, a tawngtai sak ni turah ngai ila) chutih lai tak chuan "ka tap chhuak ta a, khatiang khan mipui hmaah ka la tap chhuak ngailo, a chhan chu tun hma zawnga ka hriat ngai loh leh ngaihdam ngai ni pawha ka hriat ngai loh ka thiam lohna leh ka dik lohna hi ngaihdam ani tih ka hre chhuak ta a ni" tiin a sawi. He thil hi a ropui ka ti em em maia, Pathian hian a khawngaihna leh min chhandamna hi tu pawh mai hi min hriattir alo duh zia alang chiang hle in ka hria.

Why me Lord, what have I ever done

To deserve even one

Of the pleasures I've known

Tell me Lord, what did I ever do

That was worth loving you

Or the kindness you've shown.

Lord help me Jesus, I've wasted it so

Help me Jesus I know what I am

Now that I know that I've need you so

Help me Jesus, my soul's in your hand.

Tell me Lord, if you think there's a way

I can try to repay

All I've taken from you

Maybe Lord, I can show someone else

What I've been through myself

On my way back to you.

Lord help me Jesus, I've wasted it so

Help me Jesus I know what I am

Now that I know that I've need you so

Help me Jesus, my soul's in your hand.

He hla changkhatna ah hian Pathian chu ti hian a zawt hial a, " Lalpa, ka hun kal tawha ka thil lo tih tawh te, ka sualna zawng zawng te ka ngaihtuah chang hian, i hnen atanga nun hlim na leh nawmna chang ve tur hian ka phu reng em ni?" tiin , mahse Pathian khawngaihna leh thatna te chuan alo phal in alo khawngaih em em si a, chuti chung chung pawh chuan a sualna a thlir let hian phu a in ti hlawl lo a, " Lalpa min han hrilh teh, mi tlak tlailo tak hian hmangaih let che leh i hmangaihna dawn let a, i hnen atanga nun hlimna leh nawmna dawn hi ka phu reng em ni" tiin Pathian chu a zawt let hial a ni hi.

Ava ropui tak em, Pathian hmangaihna leh khawngaihna dawn hi phu inti hlawl lo te hnen ah Pathian hi a in puang fo a ni.

A thu nawn ah hian, amah chu Pathian hnenah a in hlan mawlh mawlh a, " Lalpa Ka Pathian, kei nun ruak leh chau hi min pui rawh" tiin amah leh amah a in hriat chian zia te leh tun hma zawnga khawvel nawmna chen avanga Pathian mamawh lo nia in hre thin kha, tun ah chuan Pathian alo mamawh zia te hmu chhuakin a thlarau chu Pathian kut ah a hlan tak thu te kan hmu a ni.

Chang hnihna ah hian Pathian chu a chhandamna leh a khawngaihna, hmangaihna nasat em avanga lawmthu hrilh let a duh zia kan hmu leh a " Lalpa, i rawngbawl tur hian ka tan kawng min hawn sak anih chuan, i  hnen atanga ka dawn zawng zawng te hi hlan let ve che ka duh a, kei ngei pawh nangma hmangaina leh khawngaihna avanga i hnena ka lo let dan hi mipakhat talin an lo hlawkpui ve na turin i ropuina hi keimah kal tlang hian puan ka duh ani" tiin Pathian chu a rawn a ni. He chang ah hian a thlawna kan dawn Pathian hmangaihna leh khawngaihna, ngaihdamna te hi up bo mai lova puang chhuak tur kan lo nih zia alang chiang hle in ka hria.

In zavaiin Pathianin malsawm vek che u rawh se.

Wine into Water

T.Graham Brown country singer aw pa tak maiin he hla lungrun tak maia an sa vang vang mai hi chuan rilru ava hneh tak em.Zu in avanga zu bawih a tang te, zu in lo chuan darkar khat pawh awm hleithei tawh lo te tana nghei a harsat tur zia hi kan chhut pui ngai em.

Zu tur khan an an thisen zam a fan hnen em em tawh a, an in duh huna in tur an neih loh chuan an khur ngawt ngawt mai zel anih hi, thenkhat ah phei chuan an chiri hial a, mipui karah mualpho takin an tal buai phah hial thin.

Chutiang khawpa zu bawiha tang mek chung si chuanhe hla siamtu hian a sal tanna zu lak atang chuan in thiar fihlima, sim a duh em em tawh a, mahse a puitlin hleithei silo, vawitam taka ngeia sim a tum a, a hlawh chham zing hle tawh mai.Pathian hnen ah pawh vawitam tak sim tura tanpui turin a dil tawh thin a, mahse ama zu chakna te chuan an kian san siloh avangin a in leh nge nge thin a ni.

Zankhat chu amah chauha a awm lai chuan, Pathian hnen ah a tawngtai ta a, lungngai em em leh hnuk ulh tak chungin ti hian Pathian au ta a, " Mi tam tak ten ka tana an tawngtai nasat zia te, i hria e. zu ka nghei theih na tura an dil nasat zia hi. Tunah pawh hian ka rawn tawngtaia, thildang dil tur chuang che ka nei lo, he ka saltanna zu bawih ata hi chhuah ka duh a ni. 

He indona nasa tak mai hi keimahin ka theih ang tawkin ka lo sual ve a. Mahse Lalpa i puihna tello chuan he indona ah hian ka chak thei lova, keimahin ka hneh thei lo a ni" tiin mangang taka tap zawih zawih chungin Pathian chu a au leh ta a.

Tichuan amaha zu chakna chu a hneh zo ngang silo, a bula a whiskey bottle  chu an en vang vang thin, nghei a duh tawh a, tlai atanga in tan anih tawh avangin a rui hle tawh a, thil dang pawh ti hleithei lo khawpin a chau em em a ni, mahse chuti chung pawh chuan Pathian chu thinlung zawng zawngin a au leh ta a." Zanin hian ka ruiin ka chau em em a, kal pawh kal hleithei lo khawpa chauin ka tlu a, thui pawh ka che sawn hlei theilo" tiin.

 A rilru ah chuan a naupan laia a chhiar thin Bible chang Johana bung 2: 1-11 thu, Lal Isua inneihna a kal tuma, wine an neih tawh loh avanga tui wine a chantir thu kha a rilru ah a rawn lang thut maia, tihian a tawngtai chhunzawm leh ta a, "Hmanah khan tui kha wine ah i chantir thu kha ka hria, tunah pawh hian ka ngen a che, he zu hi tui ah i chantir leh thei zawk lo em ni, thingthia i lam hawiin ka ngen a che Ka Pa" tiin a au leh ta rawih rawih mai.

A nun hi ava han beidawngin he a zu in thin hi sim ava han duh tawh tehlul em, mahse heng zu tur te hian a thisen ah a fan hneh tawh em avangin sim har a ti em em a ni si a, a dinhmun hi a lainat awm takzet a ni.

Heng a zu in avanga a thil lo tihsual te, midangte tana a hnawksakna te, a chhungkua a nupui fanau te ngei pawh an rilru a tihnat thin zia te chu a mithhla ah langin a hre chhuak uaih uaih a, " Vawitam tak ka hmangaih te rilru pawh ka ti na in, an tan hnawksak ka ni a, ka lakah an ralmuang lo em em thin, khang zawng zawng avang te khan ka inchhir em em a,tunah chuan nun thara nun ka va han duh tawh tak em.Ka theih tawpa sim tumin ka bei chho ve bek bek a, mahse he zu hi i kuta hlana ka sim siloh chuan rei tak ka hnenah hian an awm peih dawn em ni? tiin a chhungte tana a hnawksak thin zia chu a hre chiang em em a.

Rei tak a tawngtai hnu chuan amah ah inthiam lohna nasa tak leh a sualna zawng zawng te chu a ngaithuah chhuak a " Khang ka sualna zawng zawng avang te khan min tuar tir bik nia hria in, i lakah ka in hrosa vak vak thin a, Lalpa min ngaidam la, tlawm taka i hmaa thingthi

chung leh kut suih chungin i ngaihdamna ka dil mawlh mawlh a che. Keimaha ka nghei thei tawh loh, he zu bawiha ka chhuah theih na tur hian thil mak han thlen tir lul rawh" tiin mangang tak leh lunngai em em chuan Pathian chu a au a.Chutia rei tak a tawngtai hnu chuan a bula whiskey bottle chu leih bua in, in leh tawh ngai lo turin a intiam zui ta a.

Hmangaihzuali - 2

Chumi zan ang reng renga kan in pana ka haw chu ka lawm leh ka ke pen a zan lai ka hre ngailo.Nuam ka ti a,mahniin ka nui phei ang vur vur a,min hmu an awm lo hlauh a,min hmu fuh awm sela chu mahnia nui ta vur vur chu mak min ti anga,mawl hmel min ti ngawt ta ve ang.Mahse zawlkhaw tuai tir tumahin an la khawih chhiat loh leh thianghlimnaa khat chuan min hmangaih thu min hrilh miau a,lawm lo chi ka ni lo a,lawm avanga nui vur vur lo chi pawh ka ni hek lo.Rei pawh ka kal hman lova ka in hriat lai chuan kan in chu ka thleng ta der a.Kan in te chu a vul thar ta vuk te hian ka hmu nia mawle.He tleirawl hi ka lo va ngaizawng nasa em em ve mawle tih chu ka in hre chhuak uaih uaih mai.

Ka room ah chuan ka lut nghal vat a,ka inthlak nghal zung zung a,zan danga ka tih dan ziah thin angin ka computer hma ah chuan ka thut leh vat a,zanina ka hun tawn nen hian a in mil zia hria in Carpenters hla Top of the world ngei mai chu ka ngaithla nghal vang vang a.

Such a feelin's comin' over me
There is wonder in 'most ev'ry thing I see
Not a cloud in the sky, got the sun in my eyes
And I won't be surprised if it's a dream

Everything I want the world to be
Is now comin' true especially for me
And the reason is clear, it's because you are here
You're the nearest thing to heaven that I've seen

I'm on the top of the world lookin' down on creation
And the only explanation I can find
Is the love that I've found ever since you've been around
Your love's put me at the top of the world

He hla hi ka tan an phuah ani chiang mai tiin mahni leh mahni chu ka infiam vel anih chu.Lawmna hian zanin chu min va han hual chiang em.Chutah ka phone chu ka lek kangin Zuali chu ka be ta a."I mu tawh em?hei ka thleng chiah aw" tiin.

"Mu lo e,iva thleng hma ve"
"Nia,zanin chu ka ke pen hi a zang tlat anih chu..he2"
"Hmmm..i sual e mai a,zak theilo min ti em?"
"Ti teuh lo mai,ka lawm veng veng"

Chutah tak ang reng tak hian ti hian min rawn be leh a

"U mawite, tumah mipa hi ka la ngaizawng ngai miah lo,nang pawn i hriat kha.Mahse maw,nangmah hi ka hmangaih che a,ka duh lutuk che,chu chu zanin khan zak chung chungin ka hrilh tawp che anih kha,min hmangaih ve tak tak angem?"

He thu kan chhiar zo chiah mai chu(h) ka kut te hi a khur dur dur thei nia mawle,thinrim avang leh hlauh avang chauh hian tha hi alo khur bik lo.Lawm lutuk avang pawh hian alo khur dur dur thei nia. ka thin hi a phu dup dup a, a nuam veng veng hi ani mai.Chutah phur fahran chuan ti hian ka chhang let ve leh a.

"Zualte,ka hmangaih tak tak che.Keipawn ngaihzawng mumal ka la nei ngai bik lova,nang ka hmuh tan ni che kha kum thum dawn a liam tawh a,khata tang phei kha chuan hmeichhe dang hian ka rilru an luah tawh lova,nangmah chauh hi ka ngaihtuah thin che asin.khawngaihin ka hmangaih che tih hi min rinhlelh sak suh aw" tiin.

"U mawite,ka ring ngam che,min hmangaih ve avangin ka lawm lutuk aw" a rawn ti leh a.

Hemi zana kan in message na hi tun thleng hian ka la save a,ka paih phal mawlh lo a ni.A tak tak ah chuan ngaihzawng pahnih khat vel chu zuali hma hian ka nei ve tawh a.Mahse zuali ang em em hian ka la serious hran lova,mahse zuali erawh zawngin ka nun ah hian bu a khuar nghet tlat.Ka hmangaih tih hi ka ringhlel lova,ka pawm thlap.

Tichuan khami zan atang khan nula leh tlangval inkara in hmangaina leh in ngaihzawnna chuan Hmangaihzuali nen chuan min phuar khawmin min suih nghet ta a.Chu chuan lunglenna alo keng tel zel ani tih te chu ka hre chhawm chho a.Kan in thlahlel em em a,nidanga kan in biak let teh meuh mai in biak a ngai chho ta a.

Ka fawh hmasak ber tum te kha aw,a birthday anih avangin dinner ka treat ang che ka ti a,a chhungte phalna thlapin ka chhuah pui a.dar 7 velah an in ah ka haw pui leh a,a chhungte chuan min lo be luam a.Nuam kan tih leh tih loh te,min lo zawtin min fiam hlut hlawm a.Eng eng emaw kan ti ti ho hnu chuan dar 9:30 velah chuan min mutsan ta hlawm a.Mitmei ven tur kan nei ta lo bawk a,zuali nen chuan Tv en pahin insi chet in ka thu dun a.

Chutah "maimitchhing la,i kut rawn dawh rawh le" ka ti a.Nui ver ver paha "enge" ti chungin a kut a rawn dawh a.Ka kekawr ipte atang chuan a birthday present atana ka hla phuah sak chu a kut ah chuan dah sakin "meng rawh le" ka ti a. "Uii enge a" tih pah chuan a chhiar zui nghal a.A chhiar zawh chuan ka mit a tak chiang taka min en chung chuan "U mawite,ka hmangaih che ka lawm lutuk" a ti a.Chutah kei chu ka bulah chuan kuai awnin a hmui sen no chek mai,tu mipa mahin an la fawh loh chu ka fawp ta! chhei, a thlum dek dek ni ber hian ka hria,ka lo duhthawh mah mah a,a thaw a chham lek lek a,min nam sawn a.kan in en a,kan nui dun ringawt a.Mahse ka la duhtawk lo cheu,ka fawp nawn leh ngat a.

Khami zan te kha ka tan theinghilh theih ani tawh lova,mitthla ah hian chiang takin ala lang reng mai.In duh takin kan in pawm a,kan in fawp a,rinawm taka awm dun reng turin kan in chah dun mawlh mawlh a.Zan a rei a,an inah ka riak ve dawn te anih ngawt siloh chuan hun chuan min then hran a tula,kham lo tak chungin kan inthlah ta anih kha.

Ni a ral a,thla a liam a,kum pawh a liam zel a,tunah chuan zuali nen kan in ngawihzawnna pawhin kum 3 dawn ani ve ta reng mai.Kan chhungte ve ve pawhin min hre pawh dunin kan chanchin pawh an hre chiang em em tawh a.Kan in len pawh fo thin.Thianghlim takin kan in ngaizawnga vawitam tak kan chhuak dunin chhungte tello pawhin vawitam tak kan awm duna,mahse vawikhatmah mipat hmeichhiatna kan hmang loa,inneih hun atan aw kan ti tlat thin.

Zuali pawhin a zirlai te zir zoin hna tha tak a nei ve tawh a,kei pawhin mahni hna awm tawk vel ka nei ve tawh bawk nen,nupaa insiam pawh kan sawi dun zauh zauh tawh a,kan hlim dun thin hle.Kan chhungte ve ve pawh kan hrilh dun tawh a,tu chhung te ve ve mahnin harsatna min siam lova,an phur em em zawk a ni.Chuti anih tak si ah chuan ka tih tur chu palai tirh chiah ani ta.Zuali nen chuan kan sawi dun leh a,kumin chu thla li vel emaw awrh chauh a awm tawh bawk a,nakum lama innei turin kan tin tuah ta a.

Hun chu a kal muang ka ti em em a,zuali nen nupa nih vat vat chu ka chak tawh hle a ni.November thla ani a,thlasik rim a nam chho tan viau tawh a,boruak pawh a nuam tawh hle.Tuk khat chu ka thianpa Puia hi kan inah a rawn lut hlawl a,a computer a chhiat avanga siam pui lawk turin min ngen a.A bike a rawn ken tho avang leh min thlah leh a tum tho avang chuan kan in phur phei ta a.An in kan thlen hma lawk chuan kan lam pana chak taka rawn tlan car chuan min rawn su thuai mai a.A thim mup a, engmah chu ka hre chhunzawm tawh lo.

Ka harh leh meuh chuan damdawiin khum ah chuan ka lo mu a,ka khum bulah chuan ka nu leh ka pa ka naute ho chuan min lo kil thap a,an lo tap per pur hlawm a,chutah chet kan tuma ka kawng leh ka kap bawr chu a na em em mai a.ka che thei ta ngang lo a.Chutia ka awm vel lai chuan Zualtei pawh chu a rawn thleng ve mek a, min hmuh chiah chuan a hmel ah chuan hlauhthawnna tam tak a awm nghal a "U mawite,engtin nge i awm? i tha em" a rawn ti zung zung a.Kei chuan "Zualte,keimah chu ka harh vek a,mahse ka kawng leh kap bawr hi a na deuh a" ka ti a. "U mawite, hlauthawng suh aw" min ti zui nghal bawrh bawrh a.

"Khawnge puia,engtin nge a awm" ka ti a, ka pa chuan "a ngalh ruh a tliak a,a nak ruh kha a sawh auh deuh bawk a,zai turin an nawr lut tawh,a ngaihtuah awm loh e" a ti a.Ka rilru chu a hahdam hiai hiai a, kan accident dawn lai vel ka mitthla ah a rawn lang uaih uaih a,kan thi lo chu vannei ka in ti ngawih ngawih a.zawi sap in "Lalpa,ka nun min la chelh avangin ka lawm e" ka ti a.

Chutih lai vel chuan nurse leh doctor chuan an tih tur an ti nghal zung zung a,kei pawh chu zai nghal turin min ti a.X-ray leh thil tul dang te kan tih hnu chuan ka kawng kha ka lo sawh auh deuh a, ka kap na ka tih kha ka tilmu ka lo sawh khawlo alo ni a.Tichuan keipawh chu min zai a ka tilmu pakhat chu min paih sak ta a.Puia,pawh a ngal ruh tliak chu tha takin an zawm sak a,amah pawh a harh a.Hun eng emaw chen damdawiina kan awm hnu chuan in lama in enkawl turin min chhuah ta a.Kan damdawiin awm man leh kan inekawlna senso zawng zawng chu min su tu chuan a tum vek a.

A inthiam lovin hrehawm a ti em em,ka chhungte hnen ah leh ka hnen ah pawh vawi tam tak ngaihdam min dil a.Office kal lai ve tho anih avangin a office ban leh a hun awl neih apiangin min rawn kan a.A tih sual vang liau liau a,min su anih avang leh heti tak maia a inthiamlo hi ka khawngaih em em a,Pathian hmingin kan ngaihdam thlap thu kan hrilh a.A lawm em em a,Puia te chhungkua pawhin an ngaidam a,mahse puia bike erawh min su tupa chuan siam that vek a tum luih talh avang chuan an dang zui duh ta bik lo a.

Hun engemaw chen ka hmuh tawh loh hnua kan in ka hmu leh ta chu ka hnuk te pawh a ulh hial a.Ka natna ka ngaihtuah chhuah phei chuan ka hma hun tur chu ka ngaihtuah zui ngam lo a ni.Zuali pawhin min ngaihtuah em em a,damdawiin ka awm chhung zawng pawn min tlawh awl lova,ina kan in enkawl hnu pawhin ka ei chak zawng leh ka mamawh tur nia a rin nen min kan reng a,chaw ei nghal mai chang pawh a nei tam hle.Min ngaihtuahna leh min hmangaihna ka hmuhin ka lawm a,ka ngaia ka hmangaihna a zual tawlh tawlh mai.

Khum a hun han hman tak tlawk tlawk mai chu a hrehawm duh khawp mai a,han len khawthawn vel pawh ka chak ve em em thin a,mahse ka thei rih silo.Nikhat chu ka room tukverh bulah chuan chair ah chuan awn takin ka thu a,huan thing zara sava nupa fu thiang rial mai chu ka thlir tlawk tlawk a,a pa niawm tak an thlawk sawn zauh a,reilote hnu ah a nu bulah chuan a rawn fu leh a,in ngai niawm tak hian an han in ngheng ve zauh zauh a.Heng sava te hi chuan nuam ti takin an duh ber te nen hun an hmang thei a,tumah dang reng an ngai silo tih te ka ngaituah neuh neuh a.

Chutia ka thlir lai chuan mahni in khawngaihna leh ka chan te,ka hma lawka nupui nei tum tawh kha heti hi ka nih tak si ah chuan nei theilo dinhmun ah ka han in chan thin a,lo innei ta tehreng pawh nila fanau rochan kan nei thei dawnin ka hre silo.Lungngaihna leh hrehawm tihna chuan min rawn zem ta.Ka mittui a tla zawih zawih a.Lungchhe em em chuan ka tap ta zawih zawih a.Ka tah rin chuan ka chhung ten an hria ang tih ka hlau si,ka lukham chuan ka hmai ka hup a,ka theih tawpa nasa chuan ka tap ta zawih zawih a.